Trisha Becomes a lover to Vijay Sethupathi in the Movie ‘96’ | Vijay Sethupathi Appears in 3 getups

Trisha Becomes a lover to Vijay Sethupathi in the Movie ‘96’ | Vijay Sethupathi Appears in 3 getups

Trisha Becomes a lover to Vijay Sethupathi in the Movie ‘96’ | Vijay Sethupathi Appears in 3 getups

காதலியாக திரிஷா நடிக்க '96' படத்தில், விஜய் சேதுபதியின் 3 விதமான தோற்றங்கள்

ஜெயம் ரவி - ஹன்சிகா நடித்த 'ரோமியோ ஜூலியட்,' விஷால் நடிப்பில் 'கத்தி சண்டை' ஆகிய படங்களை தயாரித்த எஸ். நந்தகோபால் தற்போது, விஜய் சேதுபதி கதாநாயகனாக நடிக்கும் '96' என்ற படத்தை தயாரித்து வருகிறார்.

1996- ல் நடந்த ஒரு சம்பவத்தை அடிப்படையாக கொண்ட கதை இது. இதில் விஜய் சேதுபதி தாடியுடனும், தாடி இல்லாமலும், கொஞ்சமாக வளர்ந்த தாடியுடனும் 3 விதமான தோற்றங்களில் நடித்து வருகிறார். கதாநாயகியாக திரிஷா நடிக்கிறார். படத்தில் இவர், ஆசிரியை வேடத்தில், விஜய் சேதுபதியின் காதலியாக வருகிறார்.

அந்தமான் மற்றும் குலுமனாலியில் உள்ள ஸ்பிட்டி வேலி என்ற இடத்தில், விஜய் சேதுபதி - திரிஷா சம்மந்தப்பட்ட பாடல் காட்சிகள் படமாக்கப்பட்டுள்ளன. தொடர்ந்து ராஜஸ்தான், கொல்கத்தா ஆகிய இடங்களில் முக்கிய காட்சிகள் படமாக்கப்பட்டு, முதல் கட்ட படப்பிடிப்பு முடிவடைந்தது.

அடுத்த கட்ட படப்பிடிப்பு கும்பகோணத்தில் நடந்தது. 1996- ல் நடத்த சம்பவத்தின் ஒரு பகுதி அங்கு படமானது. தொடர்ந்து புதுச்சேரியில், பிரமாண்டமான அரங்குகள் அமைத்து படப்பிடிப்பை நடத்தி வருகிறார்கள்,  1996 - ல் பழகிய பழைய நண்பர்கள் அனைவரும் சந்திப்பது போன்ற காட்சி, அங்கு படமானது. சி.பிரேம்குமார் டைரக்டு செய்தார். இவர், பசங்க, சுந்தர பாண்டியன், நடுவுல கொஞ்சம் பக்கத்த காணோம் ஆகிய படங்களுக்கு ஒளிப்பதிவு செய்தவர். இந்த படத்தின் மூலம் டைரக்டராக அறிமுகம் ஆகிறார்.