Ajith's Name in Vivegam Movie Leaked

Ajith's Name in Vivegam Movie Leaked

‘விவேகம்’ படத்தில் அஜித் பெயர்?

சிறுத்தை சிவா இயக்கத்தில் அஜித்குமார், காஜல், அக்‌ஷரஹாசன் நடித்து வரும் ஸ்பை த்ரில்லர் ‘விவேகம்’. சத்யஜோதி பிலிம்ஸ் மிகுந்த பொருட்செலவில் தயாரித்து வரும் இந்தப்படத்தின் இறுதிக் காட்சிகள் பல்கேரியாவில் பரப்பரப்பாக நடந்து வருகிறது. ஏற்கனவே இப்படத்தின் ஃபர்ஸ்ட் லுக் வெளியாகி படத்தைப் பற்றிய எதிர்பார்ப்பு இருந்து வருகிறது. இந்நிலையில்  சமீபத்தில் வெளியான இப்படத்தின் டீசர் இணையதளத்தை ஆக்கிரமித்தது. தல ரசிகர்கள் மிகவும் எதிர்பார்த்து வரும் விவேகம் படத்தில் அஜித்குமாரின் கேரக்டரின் பெயர் AK என தகவல் கிடைத்துள்ளது.

விஷ்னுவர்தன் இயக்கிய ஆரம்பம் படத்தில் அஜித்குமாரின் கேரக்டர் பெயர் அஷோக் குமார். அதன் சுருக்கம் தான் AK என ஒரு தகவல் கிடைத்துள்ளது.

பொதுவாக அஜித்குமார் நடித்த படங்களில் அவருடைய கேரக்டர் பெயர் இரண்டு மூன்று படங்களுக்கு ஒரே மாதிரியாக இருக்கும். காதல் மன்னன்,ஆழ்வார் ஏகன் படங்களில் அஜித்குமாரின் கேரக்டர் பெயர் ஷிவா. மங்காத்தா, வீரம் படங்களில் அவரது கேரக்டர் பெயர் விநாயக். அதுபோல ஆரம்பம் படத்தின் கேரக்டரின் பெயரே, விவேகம் படத்திலும் அஜித்தின் கேரக்டர் பெயர் இருக்கலாம் என கருதப்படுகிறது.